गजल

राजु अधिकारी 

पिपलु विना वरले मात्रै चौतारी हुँदैन
एकान्त वसी गाएर गीत जुहारी हुँदैन ।

माया र प्रिती लिनु र दिनु विधिको विधान
प्रेमको पूजा नगरे मान्छे पुजारी हुँदैन ।

लुकाई राख पवित्र तिम्रा लाजका गहना
मिलाइ लाउ भएका लुगा उधारी हुदैन ।




नखोज धनी धनले सँधै त्रासमा पार्दछ
मायाको जस्तो अक्षय कुनै भकारी हुदैन ।

जीवन के हो ? नश्वर देह मृत्यु नै सत्य हो
प्रेमको ज्योती जलाई घृणा नमारी हुदैन ।