गजल

उस्तै मेरो गाउ गल्लि शहर नयाँ नयाँ 
मान्छे उही पुरानै छ रहर नयाँ नयाँ|| 

 धमाधमी खुल्दै गए बहर पाठसाला 
 गुरु नयाँ छन्द नयाँ बहर नयाँ नयाँ||

 शब्द भाब पुरानै छ कलम उस्तै थोत्रे 
 सिक्ने अनी सिकाउने लहर नयाँ नयाँ||


 स्वाद उही पुरानै छ बोतल फेरिएछ 
 कसरी पो भन्नु मैले जहर नयाँ नयाँ||

कालो पनि सेतो हुन्छ बहुमत पुग्यो भने 
दृष्‍टि उस्तै धमिलो छ ठहर नयाँ नयाँ|| 

 जीतु खड्का गाउले 
 मोरङ उर्लाबारी