यी साना हाम्रा हातैले पाखाबारी खन्नेछौं
रोपेर फूल अनेकौं लेक-बेंसी भर्नेछौं
छर्नु छ ज्योति सुनौलो हिमाल पहाड तराईमा
यो देश भोलि धान्नु छ परिश्रमले पढ्नेछौं
गडेका सारा कुरीति विकृतिलाई उखेल्न
चेतना रोप्न समाजमा दिनरात खट्नेछौं
अशान्ति हटी शान्ति होस् हाम्रो यौटै कामना
कलिला यिनै ओठैले बुद्ध वाणी जप्नेछौं
.
सगरमाथा शिरैमा चन्द्र-सूर्य फर्फराई
राष्ट्रिय गीत गुञ्जाउदै हाँस्दै नाँच्दै रम्नेछौं.
.
टिका खड्का(राष्ट्रप्रेमी)
मधुमल्ला-४
मोरंग ,
No comments:
Post a Comment