चमेलीमा अत्तर छर्छे ईलामेकी परी
हृदयमा रजाई गर्छे ईलामेकी परी||
मिर्मिरेको सान्नटामा गीत गुनगुनाई
पधेरिमा कलश भर्छे ईलामेकी परी||
लुकीछिपी बादलुमा 'साईलो' राजा भन्दै
सपनीमा बसाई सर्छे ईलामेकी परी||
रात भरी वरी परी निदरीमा हँसाई
बिपनीमा क्षितिज तर्छे ईलामेकी परी||
गोधुली त्यो साँझमा बाल्दै प्रेमको दिप
'गरुवाली'को दिलमा झर्छे ईलामेकी परी||
******गरुवाली तारा******
No comments:
Post a Comment