म ता स्वप्नमा थेँ उ आयो र जागेँ
जुरुक्कै करैमा उठायो र जागेँ ।
हिजोका ति मीठा सवै प्रेम गाथा
खुशीभै नछोडी सुनायो र जागेँ ।
ति पाखा पखेरा घुमेका ति खोला
सबै याद माला सजायो र जागेँ ।
भएका गरेका वितेका ति हाम्रा
कहानी मजाले बुझायो र जागेँ ।
रमाएर व्युझैँ कतै छैन कोही
खुशी त्यो हुरीले उडायो र जागेँ ।
भुजङगप्रयात छन्द(बहरे मुतकारीव)
iss iss iss iss
जीवन कास्यप
बिराटनगर ५ मेरङ
No comments:
Post a Comment